Russiskt njósnaraskip nærindis bretskum sjógvi

Russiskt njósnaraskip nærindis bretskum sjógvi
Hildið verður, at skipið verður brúkt til at útvega upplýsingar og skráseta bretskt undirstøðukervi í sjónum
Bretskt sjóverjuskip hava havt eyguni eftir russiska skipinum, sum verður hildið at njósnast og skrásetas undirstøðukervi.
Mynd: Bretska verjan, BBC  
 
23.01.2025 - 14:39

Eitt russiskt njósnaraskip er sætt út fyri bretskt sjóøki í hesi vikuni.

Bretska sjóverjan fylgir skipinum, skrivar BBC.

Bretski verjumálráðharrin, John Healey, sigur, at talan er um skipið Yantar hjá russisku fregnartænastuni, sum m.a. verður brúkt til at útvega upplýsingar og skráseta undirstøðukervið hjá Bretlandi í sjónum.

Sambært Healey er hetta tekin um vaksandi russiskan ágang.

- Eg hevði viljað, at russiksi forsetin hoyrir hesi boð: - Vit síggja tykkum, vit vita, hvat tit gera, og vit víkja ikki fyri ramligum tiltøkum fyri at verja hetta landið, segði Healey við BBC.

 

John Healy. (Mynd: The Independent)

 

Siga skipið vera havrannsóknarskip

Russland sigur, at Yantar er havrannsóknarskip, og russiska verjumálaráðið rekur skipið.

Lond í vesturheiminum hava ofta fylgt skipinum, og illgruni er um, at partur av uppgávuni hjá hevur verið at skráseta undirsjóvarkaðlar.

Tey halda eisini, at Russland hevur økt um hetta virksemi eftir innrásina í Ukraina.

Umframt vakmyndaútgerð hevur skipið dronur, sum kunnu røkka havbotnin.

Undirstøðukervið í sjónum er avgerandi fyri orkuveitingina gjøgnum streymkaðlar og leiðingar, og meira enn 95 prosent av internetferðsluni er eisini tryggjað gjøgnum undirsjóvarkaðlar, skrivar BBC.

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Guðstænasta út Gøtu kirkju
216780
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Nýggjastu sendingar í SV
Sunnudag 22. november
Andaktin
216792
Sunnudag 22. november
Guðstænasta úr Gøtu kirkju
216793
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688