Íslendingar leita enn eftir lodnu

Íslendingar leita enn eftir lodnu.

Havrannsóknarskipið Árni Friðriksson fer út í morgin, og verður úti í 15 dagar.

Og fyrst í næstu viku fara tvey uppsjóvarskip út at leita.

Á kyndilsmessu var kunngjørt, at heldur ikki í vetur verður nøkur lodna at fiska í íslendskum sjógvi.

Tað var niðurstøðan hjá íslendsku havstovuni eftir at leitað hevur verið eftir lodnu seinastu vikurnar. 

Eingin lodna var fiskað veturin 2023-2024.

Og nú verður mælt til heldur ikki at fiska lodnu í vetur.

Men íslendingar hava ikki mist alla vón enn um at finna lodnu.

Teir leita framvegis.