Rúni Friis Kjær fingið heiðursløn frá Filmsfelagnum

Fólkini, sum eru í filmsumhvørvinum í Føroyum, eru sum ein sveitsaraknívur. Tey kunnu brúkast til næstan alt. Og tí er eisini stuttligt at gera film í Føroyum.

Tað heldur Rúni Friis Kjær, sum er útbúgvin tøkningur í films- og sjónvarpsframleiðslu. 

Í áleið 2 ár hevur hann verið týðandi partur av føroyska filmsumhvørvinum.   

Leygarkvøldið fekk Rúni Friis Kjær handa heiðurslønina, andøvsfiskurin, frá Filmsfelagnum. Heiðurslønina fær hann fyri sítt íkast til føroyska filmsvinnu seinastu 20 árini.

Øll hesi árini er nógv hent á økinum, heldur Rúni Friis Kjær.

- Tøknin er ment nógv, men eg haldi, at vit í Føroyum fylgja væl við, sigur Rúni Friis Kjær, sum vil vera við, at hóast tað ofta verður tosað um, at fígging manglar í føroysku filmsvinnuni, so er tað eitt, sum vit duga serstakliga væl.

- Søgurnar. Vit duga sera væl at fortelja søgur, sum nema kenslurnar. Og í so máta haldi eg, at føroyskir filmar standa einki aftan fyri útlendsku filmarnar, sum eru á filmsfestivalum, sigur Rúni Friis Kjær.

Í morgunsendingini hyggur Rúni Friis Kjær aftur á hesi seinastu 20 árini í føroyska filmsumhvørvinum.