USA: Ukraina má gera neyðsemjur

USA: Ukraina má gera neyðsemjur
Nýggi amerikanski verjumálaráðharrin ger samstundis greitt, at Ukraina fær heldur ikki limaskap í Nato
Nýggi amerikanski verjumálaráðharrin, Pete Hegseth, er á toppfundi hjá Nato-verjumálaráðharrunum í Brússel í hesum døgum.
Mynd: Reuters/Ritzau Scanpix  
 
12.02.2025 - 15:04

Ukraina kann ikki fara aftur til markið, sum var galdandi fyri 2014, og landið kann heldur ikki gerast limur í Nato.

Tað segði nýggi amerikanski verjumálaráðharrin, Pete Hegseth, á fundi í kontaktbólkinum hjá londum, ið eru sameind við Ukraina, skriva altjóða miðlar.

Fundurin var í kontaktbólkinum, samstundis sum Nato-verjumálaráðharrarnir hava fund í Brússel í dag og í morgin. 

Pete Hegseh segði, at Donald Trump, forseti, vil hava skjóta loysn á krígnum, og tað ber í sær, at Ukraina noyðist at gera neyðsemjur. 

 

Óveruligar loysnir

Amerikanski verjumálaráðharrin heldur, at samráðingarloysnirnar, sum verða nevndar til tess at enda kríggið millum Russland og Ukraina, kunnu ikki fremjast í verki. M.a. at Ukraina skal fáa limaskap í Nato, og at farast skal aftur til markið, sum var galdandi fyri 2014. 

Pete Hegseth mælti til eina "veruliga meting av vígvøllinum," sum hann tók til. 

- Trygdin eigur ikki at verða veitt gjøgnum limaskap í Nato, men evropeiskar og ikki-evropeiskar deildir skulu veita hesa trygdina, segði amerikanski verumálaráðharrin.

Pete Hegseth gjørdi eisini greitt, at USA fer ikki at senda hermegi til Ukraina. 

Sí videobrot frá AP-tíðindastovuni:

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

 

 

Er kopiera
Nýggjastu sendingar í ÚV
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226