Ítróttur gevur orku í gerandisdegnum

Bogaskjúttin Helena við Misá, flogbóltsspælarin Dagmar Djónadóttir og fótbóltsspælarin Fanni Kata Turi ganga á miðnámsskúla og íðka ítrótt.
Tað krevur, at tær leggja sær gerandisdagin væl til rættis fyri at fáa tað at bera til.
Kanning, sum Idrættens Analyseinstitut gjørdi fyri Fólkaheilsuráðið í 2022, vísti, at í aldursbólkinum 13-15 ár vóru 69 prosent av gentum virknar í ítrótti, men í aldursbólkinum 16-18 – sum er vanligur miðnámsskúlaaldur – vóru bert 43 prosent av gentum virknar.
– Eg má planleggja gerandisdagin væl, hóast tað ikki altíð er lætt, og tað kann vera avbjóðandi, um okkurt verður broytt, ella okkurt kemur í síðstu løtu, tí tað er ikki altíð pláss at vera spontan, sigur Dagmar Djónadóttir, sum spælir flogbólt við Drátti og gongur á Miðnámi í Vestmanna.  
– Ítróttur er blivin ein partur av gerandisdegnum hjá mær, og ítróttur gevur mær orku, sigur hon.
Annar partur av poddvarpsrøðini Kvinnur í ítrótti snýr seg um ítrótt og miðnámsskúla. Helena við Miðsá, Dagmar Djónadóttir og Fanni Kata Turi greiða frá. Sendingin kann hoyrast her.