- Tíðindi, mentan og ítróttur
ES samtykt fleiri tiltøk móti Russlandi
ES samtykt fleiri tiltøk móti Russlandi
Millum annað eru 73 skip komin aftrat á listan yvir russiska skuggaflotan
Uttanríkisráðharrarnir í ES fara mánadagin 24. februar formliga at góðkenna revsitiltøkini, sum ES-tingið hevur samtykt.
19.02.2025 - 11:36
ES-tingið hevur samtykt nýggj revsitiltøk móti Russlandi.
Tað sigur ES-diplomatur við tíðindastovna Reuters.
Talan er um 16. pakkan av revsitiltøkum, sum hesa ferð snúgva seg um innflutningsbann fyri russiskt aluminium, og at 73 nýggj skip koma á listan yvir russiska skuggaflotan, skrivar Reuters.
Eisini eru revsitiltøk sett í verk móti fleiri havnum, flogvøllum, bankum og miðlafyritøkum, skrivar norska NTB.
Uttanríkisráðharrarnir í ES fara mánadagin 24. februar formliga at góðkenna revsitiltøkini.
Tá eru trý ár síðani, at Russland gjørdi innrás á Ukraina.
Er kopiera
Nýggjastu sendingar í ÚV
Nýggjastu sendingar í SV
