Macron komin til Washington

Franski forsetin, Emmanuel Macron, er komin í Hvítu húsini í Washington, í sambandi við fundin í kvøld við amerikanska forsetan, Donald Trump. 

Teir skulu fyrst á fundinum tosa um G7. Hetta er telefonfundur, har teir báðir forsetarnir tosa við aðrar leiðarar í G7-bólkinum, tað eru Kanada, Týskland, Italia, Japan og Bretland.

Seinni í dag fara Macron og Trump hittast tveireinir at tosa um Ukraina.

Macron segði fríggjadagin í sjónvarpaðari røðu, at hann fer at ávara amerikanska forsetan ímóti at vera veikur mótvegis russiska forsetanum Vladimir Putin.

Viðurskiftini millum USA og sameind hjá USA í Evropa hava veruliga fingið avbjóðing, eftir at USA brádliga kúvendi í Ukraina-politikkinum.

Trump loypti hvøkk Evropa, tá ið hann segði seg vera til reiðar at endurreisa sambandið við Putin fyri at enda trý ára langa kríggið í Ukraina.