Løgtingsforkvinnan: -Teir eru happarar og búllar

Eisini løgtingsforkvinnan hevur hvassar meiningar um tað, sum hendi í Hvítu Húsunum í kvøld., Hon skrivar soleiðis á Facebook fyri løtu síðani:

"Amerikanarar hava betri uppiborið enn ein forseta og varaforseta, sum uppføra seg sum ringastu happarar og búllar. At hugsa sær, at børn og ung skulu hoyra og síggja, at soleiðis uppføra landsins fremstu menn seg. At USA sleppur at søkka so djúpt, er ikki til at skilja".

Bjørt Samuelsen er ein av mongum evropiskum politikarum, sum í kvøld taka frástøðu frá atburðinum hjá amerikanska forsetanum, Donald Trump, og sum vísa fullan stuðul til ukrainska forsetan, Volodymyr Zelenskyy.