Trump tveitti Zelenskiy á dyr

Tað skuldi helst gerast ein gleðisløta, har USA og Ukraina skrivaðu undir formligt samstarv. Eitt samstarv, sum fólk vónaðu fór at førka okkum eitt fet nærri friði. Og eitt samstarv, har USA slapp at hava námsvinnu eftir sjáldsomum málmi í Ukraina.

Men tað endaði í ruðulleika, og at enda tveitti amerikanski forsetin, Donald Trump, ukrainska forsetan, Volodomyr Zelenskiy á dyr. Avtalan verður ikki undirskrivað, tíðindafundurin er avlýstur og døgurðin millum forsetarnar báðar er eisini avlýstur. Somuleiðis eru aðrar vitjanir hjá Volodomyr Zelenskiy í Washington avlýstar.

Volodomyr Zelenskiy er í løtuni á Hay Adams hotellinum í Washington, har nøkur fá fólk veittra við ukrainskum fløggum uttanfyri, veit Reuters tíðindastovan at siga.