Verja móti ferðavinnuni

Verja móti ferðavinnuni
Allar kommunur skulu nú gera eina ferðavinnuætlan
Allar kommunur skulu nú gera eina ætlan um ferðavinnu.
Mynd: Bjarn Árting Rubeksen  
 
20.03.2025 - 06:43

Allar kommunur skulu nú gera eina ferðavinnuætlan.

Tað stendur í uppskoti um kunngerð hjá Uttanríkis- og Vinnumálaráðnum um kommunalar ferðavinnuætlanir, avtalur um handilsliga ferðavinnu og annað.

Endamálið við kommunalari ferðavinnuætlan er at menna og fyriskipa ferðavinnuna, so hon sum minst ger seg inn á náttúru, djóralív, heimafólkið, mentan og mentanararv.

Ferðavinnuætlanin skal verja og, har tað er neyðugt, endurbøta náttúruna, tryggja fyrilit fyri náttúruligum, jarðfrøðiligum, mentanarligum og søguligum virðum og tilfeingi, menna trivnað, mentan og vinnumøguleikar á staðnum og órógva landbúnað og annað virksemi sum minst.

Uppskotið sigur, at ikki er loyvt at krevja, at ferðafólk, bara fyri at fáa atgongd at ávísum øki, skulu gjalda fyri tænastuveiting.

Uppskotið er sent til hoyringar. Freistin er til 21. apríl.

Er kopiera
Nýggjastu sendingar í ÚV
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979