FMA 2025: Gówa er ársins spíri

2024 verður eitt ár, ið Anna Sofía Skoradal, sum framførir tónleik undir listanavninum gówa, seint gloymir. 

Í apríl í fjør vann gówa árligu Sement-tónleikakappinga, sum Tórsgøta í Havn skipar fyri. Tá hildu dómararnir, at gówa var "ein samlaður pakki" og tískil hevði uppiborið sigurin.

Við sigrinum fylgdi eisini tíð í upptøkuhøli, sum bleiv brúkt til at taka eina EP upp í Studio Bloch, áðrenn tað fór í søguna. 

Og nú er gówa eisini kosin ársins tónleikaspíri á FMA 2025-tiltakinum í Varpinum í Klaksvík.  

Gówa vann heiðurin ársins spíri í kapping við Ókendir, hettarher, Jólasoul og Simonu Paulu.