Lars Løkke: Ikki rætta løtan at koma til Grønlands

Grønlendingar eru ikki serliga fegnir um, at amerikanski orkumálaráðharrin, Chris Wright, og fremsti trygdarráðgevin hjá Donald Trump, Mike Waltz, vitja í Grønlandi saman við, Usha Vance, sum er kona varaforsetan, J. D. Vance. 

Usha Vance sigur, at hon fer til Grønlands at hyggja eftir eini hundasletukapping, men hendan amerikanska vitjanin kenst órógvandi hjá grønlendingum, sum enn eru í samráðingum um eina nýggja samgongu, og sum hava eitt kommunuval fyri framman.

Ikki lagalig løta

Danski uttanríkisráðharrin, Lars Løkke Rasmussen, tekur undir við, at hetta ikki er ein lagalig løta til eina slíka vitjan:

Grønlendskir myndugleikar hava longu boðað frá, at hetta ikki er ein almenn vitjan, og at tað verður eingin fundur millum grønlendsku myndugleikarnar og amerikansku gestirnar - ikki minst, tí Grønland júst er í ferð við at skipa nýggja stjórn