Fær íblástur frá vitlíki

Fær íblástur frá vitlíki
Hvat er at gera, tá innihaldið í køliskápinum ikki leggur upp til tað heilt stóra? Spyr tá vitlíki, heldur Michael Koba
 
26.03.2025 - 13:17

Í staðin fyri at brúka oksakjøtið til vanliga 'kjøtsós og spagetti' døgurðan, valdi Michael Koba at spyrja vitlíki um íblásur, og endin var, at familjan át norðurafrikanskan rætt við couscous í staðin, uttan at tað stóra skuldi keypast inn.

Tað kann kennast eitt sindur undarligt at tosa við sjálva telefonina, og at hon svarar tær aftur, viðgongur Michael, men úrslitið er ikki at fara skeivur av. Heima hjá Michael hava tey síðan ársbyrjan etið rættir, sum tey annars ikki høvdu runnið teimum til hugs, um ikki tað var fyri uppskotunum frá vitlíki.

- Eg havi ongantíð gjørt suðurkoreanskan mat fyrr, sigur Michael, tá hann hevur víst ChatGPT tað, hann eigur í køliskápinum, og uppskotini øll leggja seg í suðurkoreanska køkin.

Orsøkin, til at Michael byrjaði at spyrja vitlíki um hjálp, var, at tey í hansara húski høvdu hug til at leggja kostin um og eta sunnari. Serliga vóru tað tvey ting, sum tey løgdu dent á. Maturin skuldi ikki longur vera ovvirkaður og so skuldi hann vera kolesterolvinarligur, og uppskriftirnar, Michael hevur fingið, hava hildið seg innan fyri hesi ynski.

Hesaferð gjørdist uppskriftin kálwraps við tun, grønmeti og kimchi

1734055

 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592

Meira um sama evni