Reyði Krossur Føroya letur 500.000 kr til Myanmar

Reyði krossur Føroya sendir 500.000 kr til Myanmar, har fleiri enn 1.700 fólk hava latið lív í jarðskjálvtanum, sum rakti landið farna fríggjadag. - Vit fáa at vita frá okkara samstarvsfeløgum í Myanmar, at av tí at landið er stýrt av hernaðarstjórnini og ikki hevur tilbúgving til tílíkar vanlukkur, so er støðan øgiliga kaotisk, sigur Jóannes Eidesgaard, formaður í Reyða Krossi.