Serfrøðingur: Trump roynir at sannføra amerikanarar um Grønland

Donald Trump nýtir miðlasnildir í stríðnum við Danmark. Hann setur ljóskastaran á Grønland og Danmark, men tað er fólkið í USA, sum hann roynir at sannføra.

Tað segði Michael Bossetta, sum er serfrøðingur í politiskari miðlan, við DR í sendingini 21 Søndag í gjárkvøldið.

Við at úttala seg aftur og aftur um Grønland, fer hann í eitt stríð við Danmark. 

Men mongu boðskapirnir hjá Trump eru ikki ætlaðir grønlendingum ella dønum. Boðskapirnir eru ætlaðir amerikansku veljarunum.

- Eg haldi, at hann roynir at seta seg í eina støðu til eitt longri stríð við Danmark sum fígginda, sigur Michael Bossetta.

Endamálið er at vinna álit hjá amerikanskum veljarum í stríðnum við Danmark, um at fáa fatur í og ogna sær Grønland.