- Tíðindi, mentan og ítróttur
Ísrael fer at víðka hernaðarliga virksemið í Gasa
Ísrael fer at víðka hernaðarliga virksemið í Gasa
Ætlanin er at taka stórar partar av Gasa-geiranum, og fólk verða flutt burtur, sigur ísraelski verjumálaráðharrin
Ísrael leyp í gjár á býin Khan Younis í Gasa. Nú er ætlanin at herða hernaðarliga virksemið í Gasa.
Mynd: Reuters/Ritzau Scanpix
02.04.2025 - 08:51
Ísrael ætlar at víðka um hernaðarliga virksemi sítt í Gaza.
Tað upplýsir ísraelski verjumálaráðharrin, Israel Katz, í einari fráboðan, skrivar tíðindastovan Reuters.
Herurin fer at taka seg fram og taka stórar partar av Gasa-geiranum, sum verður lagdur aftrat ísraelsku trygdarøkjunum, skrivar ráðharrin. Hann sigur eisini, at fólk fara at verða flutt burtur.
Israel Katz.
Beina fyri yvirgangsfólki
Sambært Times of Israel sigur Katz, at ísraelsk herfólk fara at beina fyri yvirgangsfólki og undirstøðukervi og at taka stór landøki.
Ísrael Katz heitir á fólkið í Gasa um at týna Hamas og at sleppa gíslum leysum, tí tað er einasti háttur at enda kríggið, skrivar Reuters.
Einki verður sagt um, hvørji øki talan er um, ella nær herda hernaðarliga virksemið byrjar.
Er kopiera
Nýggjastu sendingar í ÚV
Nýggjastu sendingar í SV
