Løgmanssteypið: Stóri dysturin er í Klaksvík

Størsti dysturin í fjórðingsfinalunum í steypakappingini við monnum í dag er í Klaksvík, har KÍ tekur ímóti B36. 

Klaksvíkingar hava ikki vunnið kappingina um Løgmanssteypið síðan 2016, men eru helst favorittar, undan vitjanini av tapandi finalistinum í fjør. Serliga havandi i huga, at bæði HB og NSÍ eru útsligin.

Síðan stovnan í 2008 hevur Víkingur verið steypaliðið yvir øllum í føroyskum fótbólti. Føroyameistarin hevur fingið vánaliga byrjan upp á landskappingina, men sló NSÍ út í 1. umfari av steypakappingini og er stórfavorittur ímóti Skála í dag.

Hini bæði Betri-liðini spæla ímóti hvør sínum 1. deildarliði. EB/Streymur tekur ímóti AB, meðan B68, sum tapti finaluna í 2022, vitjar B71 á Sandi.

15.00
EB/Streymur - AB
KÍ - B36

17.15
Víkingur - Skála
B71 - B68