- Tíðindi, mentan og ítróttur
Línuskip og útróðrarbátar sleppa aftur á Føroyabanka
Línuskip og útróðrarbátar sleppa aftur á Føroyabanka
Línuskip fáa 40 dagar, og utróðrarbátar, 15 til 110 tons, fáa 135 dagar
Ætlanin er at endurskoða skipanina á Føroyabanka við tí í hyggju, at frá næsta fiskiári verður skipanin í meiri fastari legu. (Savnsmynd)
20.05.2025 - 08:09
Línuskip og útróðrarbátar sleppa aftur í ár at royna á Føroyabanka.
Skipanin er tann sama sum í fjør.
Línuskip fáa 40 dagar. Útróðrarbátar, 15 til 110 tons, fáa 135 dagar.
Og útróðrarbátar, sum eru minni enn 15 tons, fáa 90 dagar.
Treytin hjá teimum smáu bátunum fyri at fáa loyvi at fara á Føroyabanka er, at báturin hevur avreitt fyri 500.000 krónur ella meira í minsta lagi eitt av árunum 2022, 2023 og 2024.
Fiskivinnu- og Samferðslumálaráðið er farið undir at endurskoða skipanina á Føroyabanka við tí í hyggju, at frá næsta fiskiári verður skipanin í meiri fastari legu.
Er kopiera
Nýggjastu sendingar í ÚV
Nýggjastu sendingar í SV
