Finnland fyrireikar seg til russiska herdubbing við markið

Finnland væntar, at Russland fer undir størri herdubbing fram við markinum millum londini bæði, tá ið kríggið í Ukraina endar. 

Tað sigur herovastin hjá finsku verjuni, Sami Nurmi, við The Guardian.

Sambært Sami Nurmi, fylgir Finnland neyvt við, hvat Russland ger við markið.

Hann sigur, at sum partur av Nato er tað uppgávan hjá Finnlandi at fyrireika seg til tað ringasta.

- Russarar broyta skipanir, og vit síggja smærri fyrireikingar í sambandi við at menna undirstøðukervi fram við markinum hjá okkum. Og tað merkir, at teir, tá ið kríggið í Ukraina vónandi endar, flyta herdeildir - serliga deildir á landi, sum hava stríðst í Ukraina, aftur.

Finnland hevur sett upp fyrstu 35 kilometrarnar av hegni upp fram við markinum. Eftir ætlan skulu 200 kilometrar. av hegni við vakmyndatólum og sensorum setast upp við markið.