Eftirlønarskyldan er meira enn fýra milliardir

Eftirlønarskyldan hjá landskassanum er nú fýra milliardir og 163 milliónir krónur.

Landskassin hevur skyldu til at lata løgmonnum, landsstýrisfólki, løgtingsfólki og tænastufólki eftirløn.

Fyri nøkrum árum síðani fekk Gjaldstovan tryggingarserkønan at rokna út, hvussu nógv tað hevði kostað, skuldi landið keypa seg leyst frá skylduni.

Talið var seks milliardir og 145 milliónir krónur í 2019.

Verður roknað triðja hvørt ár

Talið verður roknað triðja hvørt ár. Í 2022 var tað komið niður í fýra milliardir og 452 milliónir krónur.

Tað er minkað, tí rentan er hækkað. Men tænastufólkini eru eisini vorðin færri. 

Talið verður aftur roknað fyri 2025.

Danmark eigur ein part av eftirlønarskylduni. Hann er 289 mió.kr. 

Eftirlønirnar kostaðu landinum góðar 167,5 mió. kr. í fjør.