Semja um, at ríkisrættarliga støðan kann ikki halda fram óbroytt

Yvirskipað hevur løgmaður ta fatan, at allir flokkar eru samdir um, at verandi ríkisrættarliga støða kann ikki halda fram óbroytt, og stóra avbjóðingin er, at Føroyar hava tørv á størri uttanríkispolitiskum heimildum.

Tað sigur Aksel V. Johannesen, løgmaður, í svari til samgongufelagan, Anniku Olsen í Tjóðveldi, sum hevur spurt um málið.

Løgmaður hevði tíðliga í hesum árinum tveir fundir við forfólkini í flokkunum á tingi um ríkisrættarligu støðuna.

Annika Olsen, 16:9, BjarniR

Frítekst tagging: 

Annika Olsen

Tjóðveldið

løgtingið

Annika Olsen, løgtingskvinna. (Mynd: Bjarni Árting Rubeksen)

Javnbjóðis lond

Aksel V. Johannesen sigur í svarinum, at tað er eisini fatanin, at flestu flokkar vilja hava eina skipan, sum gevur Føroyum uttanríkispolitiskar heimildir, og sum byggir á samstarv millum javnbjóðis lond í einum felagsskapi. 

Á ríkisfundinum, sum verður í næstu viku, fer løgmaður at greiða yvirskipað frá støðuni í Føroyum, men ætlanin er ikki at leggja nakað ítøkiligt uppskot fram.

- Eg haldi, at tað er rætt at hava virðing fyri, at Danmark og Grønland nærum hava verið í uttanríkispolitiskari undantaksstøðu seinasta hálva árið. Tað, sum hevur týdning, er, at arbeiðið verður gjørt rætt og væl, og í so breiðari semju sum møguligt, bæði innanhýsis í Føroyum og millum Føroyar og Danmark, sigur løgmaður í svarinum til Anniku Olsen.