Staðfest: Hondbóltsmenninir til sterka EM-upphitingarkapping

Nú er staðfest, at føroyska hondbóltslandsliðið við monnum skal spæla ímóti Danmark, Norra og Hollandi í Golden League, sum byrjar síðst í oktober.

Talan er um EM-upphitingarkapping, sum verður í Tróndheimi í Norra. 

Kappingin er annaðhvørt ár fyri kvinnur og menn, har Danmark, Noreg og Niðurlond luttaka fast, og ein fjórða tjóð verður boðin afturat. Í ár hava Føroyar fingið hesa innbjóðing og koma at spæla Spektrum í Tróndheimi í døgunum 30. oktober – 2. november, skrivar Hondbóltssambandið.

 - Talan er um ein góðan møguleika hjá Føroyum, har okkara menn sleppa at royna seg móti nøkrum av teimum allarbestu landsliðunum áðrenn EM-endaspælið. Eisini er hetta eitt gott høvi hjá venjarunum at royna leikarar og hópin, Mark Lausen-Marcher, ítróttastjóri í HSF.

EM-hópurin verður tikin út í januar, tá manslandsliðið eisini spælir tveir venjingardystir ímóti Italia á heimavølli við Tjarnir.