Lækni: Ísraelskir hermenn skjóta børn í Gasa

- Ísraelskir hermenn skjóta smábørn í Gasa.

Tað sigur læknin, Mimi Syed, sum hevur verið í Gasa í tveimum umførum,  ein mánað í senn.

Mimi Syed hevur luttikið í dokumentarsending, sum Al Jazeera Fault Line hevur gjørt, har niðurstøðan er, at børn í Gasa eru mál hjá ísraelskum hermonnum.

Hon er ein av 20 læknum, sum úttala seg í heimildarfilminum.

Læknarnir siga seg allir uppliva sama mynstur. 

Mimi Syed hevur sjálv tikið ímóti 18 børnum, sum hon hevur staðfest eru skotin. Tað eydnaðist at bjarga einum av hesum 18 børnunum.

Sambært Mimi Syed eru 86 % av teimum særdu, sum koma inn børn. Tey flestu eru børn undir 12 ár.

Mimi Syed var í Breddanum fyrrapartin: 

Allur Breddin kann hoyrast her.