Óli sendi makedónar niður og norður

Óli Mittún var dagsins maður, tá føroyska U21-landsliðið í hondbólti vann 33-28 í fyrsta dystinum í HM-endaspælinum í Póllandi.

Hann skeyt heili 15 mál upp á 18 royndir, og norðurmakedónarnir fingu ongantíð takið á fótfima bakspælaranum.

Tað gekk javnt á frá byrjan í Katowice, men eftir steðgin fóru skjótu føroyingarnir undan eitt sindur tyngru mótstøðumonnunum.

Torstein Sivertsen, Ísak Vedelsbøl og Óla Jákup Gaard Olsen spældu sambært portal.fo ein góðan fyst fyri U21-menninar.

Fyrrapartin í morgin er longu dystur aftur. Tá er Ísland, sum í dag tapti fyri Rumenia, mótstøðulið. Vinna Føroyar tann dystin, er víðari luttøka í miðumfarinum sera sannlík.