Putin vil tosa við Zelenskyj

Russiski forsetin, Vladimir Putin, sigur seg vera til reiðar at tosa um frið við ukrainska forsetan, Volodymyr Zelenskyj.

Putin hevur í nátt tosað við altjóða jornalistar í fleiri tímar, har hann millum annað segði seg vera til reiðar at tosa um frið, og at hann ongantíð hevur ætlað at lopið á eitt Nato-land.

Sambært danska kringvarpinum bjóðaði russiski forsetin sær eisini til at vera semingsmaður millum Ísrael og Iran. 

Russland verður mett at hava góð viðurskifti við bæði Iran og Ísrael, men er serliga knýtt at Iran, bæði fíggjarliga og hernaðarliga.

Spurdur, um Russland fer at hjálpa Iran í krignum móti Ísrael, svaraði Putin, at Iran ikki hevur biðið um hjálp. 

Amerikanski forsetin, Donald Trump, sigur sambært dr.dk,  at Putin kann taka sær av at skapa frið hjá sær sjálvum fyrst.