Føroyar við í danskari ferðavinnukapping

Føroyar hava fýra innstillingar til kappingina um Danish Travel Awards 2025.

Atlantic Airways er innstillað sum besta flogfelag í Evropa. 20 onnur flogfeløg eru innstillað. 

Atlantic Airways er eisini innstillað sum besta leiguflogfelag, charterflogfelag.

Har eru 10 aðrar innstillingar.

Føroyar eru innstillaðar sum besta ferðaland í Evropa. Har eru 23 onnur lond innstillað.

Og Smyril Line er innstillað sum besta reiðarí, sum flytur ferðafólk til Danmarkar og úr Danmark.

Har eru bara fýra aðrar innstillingar.

400 innstillingar eru í 24 flokkum.

Kunngjørt verður 1. oktober, hvør vinnur.