Kina svarar ES aftur

Kina hevur nú sett forboð fyri, at evropeiskar fyritøkur kunnu fáa sáttmálar við kinesiska statin um heilivágsútgerð.

Tað skrivar Reuters.

Talan er um sáttmálar, sum ivaleyst høvdu komið væl við hjá evropeisku fyritøkunum, tí tað eru sáttmálar, sum eru størri enn 45 milliónir Yuan, sum svarar til slakar 40 milliónir krónur, sum evropeisku fyritøkurnar ikki sleppa at bjóða uppá, skrivar dr.dk.

Kinesiska forboðið er eitt aftursvar til eitt líknandi forboð, sum ES lýsti í juni í ár. Tá gjørdi ES-myndugleikin av, at kinesiskar fyritøkar ikki sluppu at bjóða uppá sáttmálar uppá heilivágsútgerð, sum eru størri enn fimm milliónir evrur. Eisini hevur ES gjørt av, at tey boð, sum kinesiskar fyritøkur vinna eru avmarkað á tann hátt, at í mesta lagi helvtin av tí, sum hoyrir til tilboðið, kann koma úr Kina.

Tað skrivar Euronews.com.

Grundgevingin hjá ES at seta forboðið í verk var, at evropeiskar fyritøkur sambært ES ikki hava rímiliga atgongd til kinesiska marknaðin. 

Og tað var væntandi, at Kina fór at svara aftur, skrivar DR.

Trýst á leinki og hoyr innslagið, sum var í tíðindunum á nátturða.