Stuðul hækkar 50 prosent

Stuðulin, sum næmingar í húsarhaldsskúlum kunnu fáa, verður skjótt í mesta lagi 3.000 kr. um mánaðin.

Tað stendur í uppskoti um kunngerð, sum er til hoyringar.

Inntøka næminganna ella foreldranna ávikar ikki stuðulin.

Næmingastuðulin er eins fyri allar næmingar skúlans, stendur í uppskotinum um kunngerð.

Í kunngerð frá 1991, sum enn er galdandi, er stuðulin í mesta lagi 2.000 kr.

Játtanin í fíggjarlógini í ár hækkaði tvær milliónir, tí Húsarhaldsskúlin í Klaksvík fer í nýggj høli.

Nýggi skúlin hevur pláss fyri 35 næmingum.

Í tí gamla eru 21 pláss.

Í fíggjarlógini fyri 2025 eru fimm milliónir og 616.000 kr. á kontuni, sum eitur stuðulsjáttan.