- Tíðindi, mentan og ítróttur
Í myndum: Góða gongdin helt fram týsdagin
Í myndum: Góða gongdin helt fram týsdagin
Fimleikurin hevði frí týsdagin, men bogaskjóting, frælsur ítróttur og svimjing syrgdu fyri, at Føroyar varðveittu fremsta plássið á medaljutalvuni. Dánial Olsen tók myndirnar
Elisabeth Erlendsdóttir var størsta stjørnan í hylinum í Kirkwall. Hon gjørdi ikki mætari enn at seta nýtt oyggjaleikamet
Mynd: Dánial Olsen
15.07.2025 - 21:52
Fimleikurin, sum var stóri finaluslúkurin mánadagin á oyggjaleikunum, hevði frí, men bogaskjóting, frælsur ítróttur og ikki minst svimjing syrgdu fyri, at Føroyar framvegis eru fremstar á medaljutalvuni.
Føroysku íðkararnir tykjast trívast væl undir sólini í Kirkwall frammanfyri teimum harðmæltu viðhaldsfólkunum, og í svimjihøllini halda metini fram við at koma.
Jónas Gunnleivsson Isaksen hátíðarhelt gullið á 400 metrum við at renna seg í finaluna á 200 metra teininum. Finalan verður í morgin, og kappingin frá m.a. Menorka verður gróthørð.
Nógv fólk var á Picky-leikvøllunum í dag, og eisini føroyski tjóðfuglurin var møttur fyri at stuðla føroysku íðkarunum.
Dream team: Jóannes Poulsen og Anja Eydnudal vunnu gull í head to head-kappingini fyri blandað pør, hóast tað varð heldur nervapirrandi ímóti endanum.
Nervapirrandi var tað eisini í svimjihylinum, men Elisabeth Erlendsdóttir helt høvdið kalt, og setti nýtt oyl-met í 100 metur rygg. Hon var eisini partur av stafettini við kvinnum, sum vann 50 metur blandađ.
Tað gekk akkurát ikki at fáa heiðursmerki hjá Elisabet Holm Simonsen í longdarlopi. Hon endaði nummar fýra, og Teresa Fríðriksdóttir Bláhamar nummar seks í finaluni.
Hinvegin gekk upp á stás hjá Maria Biskopstø, sum tryggjaði sær sítt fyrsta oyggjaleikagull. Eitt mál, hon hevur havt leingi, segði fegn íðkarin eftir renningin.
Er kopiera
Nýggjastu sendingar í ÚV
Nýggjastu sendingar í SV
