Tryggari línuskip

Tá línuskipið Kambur sakk 6. februar í fjør, fór Sjóvinnnustýrið at kanna, hvussu trygg føroysku línuskipini eru.

Niðurstøðan er, at hóast støðan sum heild er í lagi er rúm fyri ábótum.

Nøkur álvarslig viðurskifti krevja ábøtur, serliga upplæring, viðlíkahald og skjalfesting.

12 skip eru kannað, Tey eru Klakkur, Polarstjørnan, Núpur, Pison, Kambur, Stapin, Sandshavið, Mars, Jógvan I, Vesturhavið, Eivind og Jákup B. 

Atkomuviðurskifti, arbeiðsviðurskifti, bjargingarútgerð, vatntættleika, sløkkiútgerð, skrásetingar, vaktarhald, sertifikat, dragilúkur, happing, skelti og hvílitíð eru kannað.

Sjóvinnustýrið mælir til at halda fram við at menna trygdina.

Úrslitini hjá Sjóvinnustýrinum eru í frágreiðingini Átak 2024 - línuskipini, sum er á heimasíðu Sjóvinnustýrisins, fma.fo.