Fleiri skuldsetingar í harðskapsmálum

Lagt er aftrat málunum um harðskap, sum byrjaðu leygarkvøldið og sunnunáttina.

Maðurin, sum er skuldsettur fyri trý harðskapsmál í Nólsoy leygarkvøldið, er nú eisini skuldsettur fyri at hótta fólk eftir lívinum.

Og stutt fyri klokkan tvey sunnunáttina var ein ungur maður skuldsettur fyri harðskap móti løgregluni.

Hetta var á G!

Eitt trætumál millum nøkur ungfólk var við gerast til bardaga. 

Gjørdist harðligur

Løgreglan legði uppí, men tað var ungi maðurin sera ónøgdur við, so hann gjørdist harðligur ímóti løgregluni. 

Tað førdi við sær, at maðurin nú er skuldsettur fyri harðskap móti løgregluni.

Í gjár var so ein annar maður skuldsettur í sama máli.

Hann er skuldsettur fyri at royna at forða løgregluni í at gera arbeiði sítt.