Jacob Vestergaard: Landsstýrið ger tað rætta

Limir í uttanlandsnevndini eru ójavnir á máli, um hvussu landsstýrið hevur handfarið málið um skipini hjá svartlistaðu russisku fyritøkuni, Murman Seafood.

Ein av limunum, sum er púra samdur við landsstýrið, er Jacob Vestergaard, sum umboðar Fólkaflokkin í nevndini. Hann heldur, at landsstýrið ger tað rætta:

- Vit halda okkum til fiskiveiðisáttmálan við Russland, og vit eiga at halda gjørdar avtalur, sigur hann. 

Jenis av Rana í Miðflokkinum, Bárður á Steihg Nielsen í Sambandsflokkinum og Sólvit Nolsø í Framsókn, sum eisini eru í uttanlandsnevndini, hava hinvegin funnist at landsstýrinum fyri einki at gera í hesum málinum. 

Formaðurin í uttanlandsnevndini, Bjarni Hammer í Javnaðarflokkinum, gevur harafturímóti landsstýrinum sín stuðul, og vísir á, at landsstýrið má fáa tíð at arbeiða.

Hoyr innslag í útvarpstíðindunum: