Einki vakstrarhúsgass í 2050

Í 2050 skulu Føroyar eingi vakstrarhúsgass lata út.

Tað er endamálið við lóg um veðurlag, sum landsstýrið ætlar at koma við í heyst.

Lógin skal áseta bindandi veðurlagsmál fyri Føroyar í samsvari við París-avtaluna. 

Tíðarfestar virkisætlanir skulu gerast fimta hvørt ár.

Tær skulu seta greið mál um, hvussu útlátið skal minka næstu 10 árini. Og eisini, hvussu tað skal gerast.

Eisini er ætlanin at stovna eitt fakligt veðurlagsráð og eitt ungdómsveðurlagsráð, sum skal ummæla átøk, áðrenn tey vera sett í verk.