Stjórin á Lønardeildini: Tænastubannið kemur óvart á

- Eg haldi, at ein lítil trupulleiki verður gjørdur til ein stóran trupulleika.

Tað sigur Jan Mortensen, leiðari á Lønardeildini hjá Fíggjarmálaráðnum, eftir at Føroya Skipara- og Navigatørfelag og Maskinmeistarafelagið í síðstu viku lýstu tænastubann fyri limir sínar, sum skulu sigla við Galaxy, tá skipið avloysir á Suðuroyarleiðini. 

Jan Mortensen sigur, at skip hava fleiri ferðir avloyst Smyril, tá hann hevur verið i dokk, og tað hevur ongantíð verið nakar trupulleiki. Lønardeildin hevur heldur ongantíð verið partur av slíkum málum, sigur hann.

Jan Mortensen sigur eisini, at løgfrøðilig fordømi eru um, at feløgini hava ikki loyvi at taka slík stig.

Jan Mortensen, Lønardeildin

Jan Mortensen. (Mynd: Bjarni Árting Rubeksen)

Manningarfeløgini hava lýst tænastubann, tí tey, sambært fráboðanini, kunnu góðtaka, at aðrar lønartreytir skulu galda fyri teirra limir umborð á avloysaraskipinum enn tær, sum eru galdandi fyri Smyril í sáttmálanum fyri SSL.

Hoyr innslag í útvarpstíðindunum: 

Galaxy fer at avloysa Smyril, tá hann fer í dokk í september. Dokkingin fer at taka átta til tiggju vikur.