Greiðir málsetningar skulu setast fyri útlátsøking

Føroya Náttúru- og Umhvørvisfelag heilsar eini veðurlagslóg vælkomnari. Felagið ynskir, at greiðir málsetningar skulu setast fyri útlátsøking.

FNU leggur herðslu á, at tað hevur týdning, at ein veðurlagslóg setir greið mál fyri grønum orkuskifti. Tað veri seg yvirskipað og á brúkarastigi.

Herfyri boðaði landsstýriskvinnan í umhvørvismálum, Margit Stórá, frá, at í heyst verður eitt uppskot um eina veðurlagslóg lagt fyri tingið.

Tí heldur Føroya Náttúru- og Umhvørvisfelag, at tað var ikki rætt at lækka mvg-afturberingina fyri hitaloysnir og el-bilar 1. januar. Felagið mælir til, at ein mvg-afturbering verður sett í gildi fyri sólpanel.

Í sambandi við grønu útbyggingarnar heldur FNU, at tað hevur alstóran týdning, at ein lendisætlan verður gjørd fyri alt landið, so tað verður greitt, hvar til dømis vindmyllur og aðrar orkuútbyggingar kunnu staðsetast.

Hoyr innslag í útvarpstíðindunum í kvøld: