Lønardeildin: Manningarfeløgini vildu hava dupulta løn við Galaxy

Maskinmeistarafelagið saman við Skipara- og navigatørfelagnum og Lønardeildin hjá Fíggjarmálaráðnum royndu aftur í gjár at fáa semju í lag um treytirnar hjá manningini, sum skal sigla við ferjuni Galaxy, sum avloysir Smyril um eina góða viku.

Enn er rættarforkvinnan í Fasta gerðarrætti ikki komin til eina fyribils niðurstøðu í trætumálinum millum partarnar, um manningarfeløgini hava heimild at lýsa tænastubann fyri manningina, sum skal sigla við Galaxy.

Síðan apríl-mai hava partarnir roynt at fingið semju í lag, tó uttan úrslit.

Ósemjan snýr seg um treytirnar hjá manningini, sum sigla við Galaxy. Hon skal hava vegleiðandi leiklut umborð. 

Og heldur ikki í gjár varð knúturin loystur, tá partarnir gjørdu enn eina samráðingarroynd.

Jan Mortensen er stjóri á Lønardeildini hjá Fíggjarmálaráðnum:

Arnfinn Bech, formaður Maskinmeistarafelagnum, sigur nú, at feløgini hava slakað í upprunaligu krøvunum, sum vórðu mett at kosta millum 700.000 og 800.000 krónur. 

Sambært honum, kosta krøvini nú 60.000 krónur.