Vindmyllurnar í Húsahaga standa stillar - brek er á generatorum

Vindmyllurnar hjá SEV í Húsahaga, oman fyri Havnina, hava staðið stillar í eina tíð.

Orsøkin er brek á generatorum og viðlíkahald, sum skal gerast. 

Vindmyllurnar hjá SEV í Húsahaga og Neshaga í Eysturoynnu eru "on shore-vindmyllur, " sum eru gjørdar at hava á landi. Men veðurlagið í Føroyum líkist meira veðurlagnum yvir havinum, og til tað krevst eitt annað slag av vindmyllum, sum verða kallaðar "off shore-vindmyllur."

Hákun Djurhuus

Hákun Djurhuus.

Kunnu brúkast í fleiri ár aftrat

Sambært stjóranum í SEV er tað ikki fyrr enn seinni, at veitarar eru fara at gera mun á hesum sløgum av vindmyllum. 

Hóast vindmyllurnar í Húsahaganum standa stillar í løtuni, kunnu tær brúkast í fleiri ár aftrat sigur Hákun Djurhuus.

Trupulleikar hava verið í samskftinum við fyrrverandi veitaran, men SEV hevur nú fingið ein annan veitara, sum fer at umvæla vindmyllurnar í Húsahaga  í næstum. 

Hákun Djurhuus væntar at tær fara at mala aftur um nakrar vikur.

Hoyr innslag í útvarpstíðindunum: