Nóa best umtókta dreingjanavnið í fjør

Nóa var best umtókta navnið, sum dreingir føddir í 2024, fingu. 

Átta dreingir fingu navnið Nóa. 

Seks dreingir fingu navnið Jákup, skrivar Hagstovan.

Onnur vælumtókt nøvn eru Matteo, Brandur, Eiri og Elias.

Sjey dreingir, sum vóru føddir í fjør, hava ikki fingið navn enn. 

Navnið Nóa er nýtt í Føroyum. Tað var fyrstu ferð brúkt í 2002.

Nú búgva 76 dreingir og menn, sum eita Nóa í Føroyum. 

Dreingja- og gentunøvn

Best umtóktu gentunøvnini vóru Brim, Emma, Ida, Maria, Olivia og Teresa. (Mynd: Hagstovan)

Brim og Emma

Best umtóktu nøvnini, sum gentur fingu, eru Brim, Emma, Ida, Maria, Olivia og Teresa. 

Hvørt navnið var givið fýra gentum, sum vóru føddar í fjør.

Síðan 1985 hava 70 gentur fingið navnið Emma og 60 navnið Olivia.

Næst koma nøvnini Bára, Elina, Glæma, Lív og Nora. Hvørt teirra var givið trimum gentum.

Tríggjar gentur, føddar í fjør, hava ikki fingið navn enn, skrivar Hagstovan.