- Tíðindi, mentan og ítróttur
Óvist hvørjum standi Eirargarður 2 er í
Óvist hvørjum standi Eirargarður 2 er í
Stjórin í Bústøðum torir ikki at siga, nær flytast kann í bygningin, sum skal umbyggjast til lestraríbúðir
Rættarnevndin, sum viðger uppskotið um at umbyggja Eirargarð 2 til lestraríbúðir, vitjaði bygningin fyrrapartin saman við landsstýriskvinnuni og stjóran í Bústøðum.
03.09.2025 - 13:11
Óvist er, hvørjum standi bygningurin á Eirargarði 2 í Havn, er í, nú ætlanin er at umbyggja hann til lestrarbústaðir.
- Eg tori ikki at seta nakra dagfesting á, nær lesandi kunnu flyta inn, sigur Jógvan Ósá, stjóri á Bústøðum.
Hann ivast í, um politiska ætlanin, at lesandi kunnu flyta í bygningin, tá lestrarárið byrjar næsta ár, fer at halda.
Jógvan Ósá.
Fyrrapartin vitjaði rættarnevndin í løgtinginum Eirargarð 2 saman við landsstýriskvinnuni í umhvørvismálum og stjóranum í Bústøðum.
Uppskotið um at umvæla Eirargarð 2 til íbúðir til lesandi og ung liggur í rættarnevndini.
Hoyr samrøðu við Jógvan Ósá, stjóra í Bústøðum, í útvarpstíðindunum:
03092025_Jogvan_Osa
Er kopiera
Nýggjastu sendingar í ÚV
Nýggjastu sendingar í SV
