Horvnir útlendingar: Politiið arbeiðir við fleiri møguleikum

Tey trý ferðafólkini, sum hvurvu í síðstu viku, eru framvegis ikki funnin, men løgreglan arbeiðir við fleiri hypotesum, sigur Kári Jacobsen, deildarleiðari á kanningardeildini hjá løgregluni.

Tær báðar suðurkoreansku systrarnar, Soo Jung Park og Soo Yeon Park, sum blivu burur við Trælanípuna týsdagin, høvdu ikki ferðaseðil úr aftur Føroyum.

Komu úr Barcelona 27. august

Soo Jung Park og Soo Yeon Park komu við Atlantsflogi úr Barcelona mikudagin 27. august og blivu burtur týsdagin 2. september. Sambært løgregluni høvdu tær ikki ferðaseðil úr aftur Føroyum.

Løgreglan í Føroyum hevur verið í sambandi við suðurkoreanskar myndugleikar gjøgnum "Sektion for International Informationsudveksling hjá ríkisløgregluni."

Kári Jacobsen, leiðari á kanningardeildini hjá løgregluni

Frítekst tagging: 

Kári Jacobsen

leiðari á kanningardeildini hjá løgregluni

Bjarni Árting Rubeksen

Kári Jacobsen er leiðari á kanningardeildini hjá politinum. (Mynd: Bjarni Árting Rubeksen)

Millum annað er løgreglan áhugað at vita meira um sálarstøðuna og sosialu umstøðurnar hjá báðum kvinnunum. Men higartil hevur ikki borið til at fáa aðrar upplýsingar enn, at talan er um systrar.

68 ára gamli meksikanarin, Pedro Enrique Moreno Hentz, sum bleiv burtur á sama stað mikudagin 3. september, er heldur ikki komin afturíaftur. Løgreglan sigur, at hann hevði ferðaseðil heim aftur, og at hann hevur vitjað í Føroyum áður.

Hoyr samrøðu við Kára Jacobsen, leiðara á kanningardeildini hjá politinum, í útvarpstíðindunum: 

 Tey, sum hava upplýsingar um Soo Jung Park og Soo Yeon Park úr Suðurkorea, og meksikanaran, Pedro Enrique Moreno Hentz, kunnu ringja tlf. 351448.