Robert Redford er deyður

Kendi amerikanski sjónleikarin og filmsleikstjórin, Robert Redford, er deyður. Hann bleiv 89 ár. Hetta boðar stjóri í PR-skrivstovuni Rogers & Cowan frá til New York Times

Robert Redford gjørdist 89 ára gamal

Mynd: Ritzau / Scanpix

Uni L. Hansen

16.09.2025 - 13:36

Ein av størstu filmsstjørnunum nakrantíð, Robert Redford, er deyður, 89 ára gamal.

Robert Redford bleiv kendur fyri filmin um Watergate-orrustuna, "All The President's Men", har hann leikti saman við Dustin Hoffman, "The Way We Were", har hann leikti saman við Barbaru Streisand, og filmin "Out Of Africa", har hann leikti saman við Meryl Streep.

Redford bleiv tilnevndur til ein Oscar fyri sín leiklut í filminum "The Sting" frá 1973, har hann spældi ein svindlari saman við Paul Newman. Redford vann tó ikki.

Hann vann hinvegin ein Oscar fyri at hava leikstjórnað filmin "Ordinary People" frá 1980, sum eisini var fyrsti filmur, ið Robert Redford leikstjórnaði.

Robert Redford fekk sítt gjøgnumbrot við filminum "Butch Cassidy and the Sundance Kid" frá 1969, tá hann eisini spældi saman við Paul Newman, har teir spældu tveir kendir brotsmenn frá kovboy-tíðini.