Søkja eftir fregnartænastufólki til Arktisk Kommando í Havn

Arktisk Kommando søkir eftir fregnartænastufólki, sum skal arbeiða í Havn. 

Tvey fólk eru nú í fregnartænastudeildini hjá Arktisk Kommando. 

Arbeiðið hjá deildini er at fáa fatur í øllum upplýsingum á sjógvi, á landi, í luftini, í rúmdini og á netinum.

Síðani skal deildini meta, hvør støðan er nú, og hvør hon verður í framtíðini.

Hetta er galdandi fyri bjarging, náttúruvanlukkur, brotsverk, brot á yvirharradømi, suvereniteti, og nógv annað. 

Tann, sum fær starvið, skal kenna Føroyar væl, stendur í starvslýsingini.

Umsóknarfreistin er 29. september.

Verja kongsríkið í Arktis

Arktisk Kommando umsitur uppgávurnar hjá donsku verjuni í Føroyum, Grønlandi og á havleiðunum við londini bæði.

Endamálið er stutt og greitt at verja kongsríkið í Arktis.

Høvuðsstøðin er í Nuuk. Har arbeiða 80 fólk.

Haraftrat hevur Arktis Kommando fólk á eysturstrondini og vesturstrondini í Grønlandi og í Føroyum og Danmark.