Velja eldraráð seinni í ár

Eldraráð verður valt í Tórshavnar kommunu seinni í ár.

Tað hevur býráðið einmælt samtykt.

Eldraráðið skal sita til 31. desember í 2028.

Viðtøkurnar hjá eldarráðnum eru endurskoðaðar.

Ov fá stillaðu upp

Einki eldraráð er í Tórshavnar kommunu í hesum valskeiðinum, sum byrjaði á nýggjárinum. Valið skuldi annars vera 11. oktober í fjør.

Men bara trý fólk stillaðu upp. Veljast skuldu fimm. Valið var tí av ongum.  

Býráðið samtykti 19. september í fjør at endurskoða leistin hjá eldraráðnum, áðrenn nýtt val verður.

Eldraráðið kom í 2006. Endamálið hjá eldraráðnum er at ráðgeva býráðnum um eldrapolitikk.

Øll, sum eru 60 ár ella eldri, hava valbæri og valrætt til eldraráðið.