Landsstýrið fer at hava fund um dronur

- Landsstýrið fer at hava fund um støðuna, sum er við dronum í løtuni í donskum loftrúmi, um ein slík støða skuldi tikið seg upp í Føroyum.

Tað sigur Aksel V. Johannesen, løgmaður við Vágaportalin. 

- Vit vilja tryggja okkum, um ein slík støða skuldi tikið seg upp við dronum í okkara øki, og vit vilja eisini kunna spora, hvaðani slíkar dronur koma

- Og tá ið landsstýrið hevur havt fund um hesar spurningar,  fara vit at seta okkum í samband við danskar myndugleikar, sum umsita hetta økið, sigur løgmaður í stuttari viðmerking við Vágaportalin.

Løgmaður veit ikki neyvt at siga, nær fundur verður við danskar myndugleikar, men sum skilst á løgmanni so verður fundurin í landsstýrinum fyrsta dagin.