Heita á Hamas um at góðtaka friðarætlanina fyri Gasageiran

Heita á Hamas um at góðtaka friðarætlanina fyri Gasageiran
Forsætisráðhaarrin í Katar sigur, at neyðugt er at fáa greiðu á smálutum og víðari samráðingum um ætlanina
Donald Trump, forseti, kunngjørdi friðarætlanina mánadagin, tá ísraelski forsætisráðharrin, Benjamin Netanyahu, var á vitjan í Hvítu húsunum. Ísrael hevur tikið undir við ætlanini.
Mynd: Kevin Lamarque/Reuters/Ritzau Scanpix  
 
01.10.2025 - 10:12

Egyptaland, Katar og Turkaland heita á Hamas um at góðtaka ætlanina hjá Donald Trump, forseta, um Gasageiran, siga keldur við tíðindarásina Axios. 

Katar sigur samstundis, at neyðugt er at fáa greiðu á smálutum og á víðari samráðingum um friðarætlanina, sum amerikanski forsetin hevur lagt fram.

- Ætlanin er framvegis á byrjanarstigi, sigur forsætisráðharrin í Katar, Mohammed bin Abdulrahman Al Thani, við Al Jazeera.

Hann sigur, at serliga er tørvur á útgreiningum um at taka ísraelskar hermenn úr krígsherjaða palestinska økinum.

- Ætlanin krevur kjak um smálutirnar, og hvussu tær verða settar í verk, sigur Mohammed bin Abdulrahman Al Thani sambært rásini.

Tá ætlanin varð løgd fram, gav hon nýggja vón um at fáa enda á krígnum. Men eins og við undanfarnum uppskotum eru opnir spurningar, sum hava sátt iva, um ætlanin veruliga kann hava við sær, at kríggið endar.

Er kopiera
Nýggjastu sendingar í ÚV
Hósdag 12. november
Breddin: Kervi+ og fólkaskúlin
216300
Hósdag 12. november
Eitt fræ
216034
Hósdag 12. november
Hús
216070
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Hósdag 12. november
Talvið um Tinganes (2:2)
216265
Týsdag 10. november
Veðrið
216210