90 ára gamla hammondurgan er framvegis viðkomandi

Light My Fire, Like a Rolling Stone og Benny and the Jets hava ikki bara tað til felags, at allir teljast millum kendastu sangir í tónleikasøguni - annað er, at í øllum teimum spælir hammondurgan týðandi leiklut.

Og júst hammond-urgan verður í miðdeplinum leygarkvøldið í Løkshøll, tá skipað verður fyri forvitnisligari konsert.

Við urguna situr kapellmeistarin, Hans Poulsen.

Haraftrat koma fleiri solistar á pallin at syngja.

Á skránni verður bæði føroyskt og útlendskt tilfar.