Fótbóltskvinnurnar til Baltic Cup

Jonnhild á Sondum úr NSÍ er nýggja kvinnan á føroyska fótbóltslandsliðnum, sum skal royna seg í Baltic Cup í næstum.

Pætur Smith Clementsen hevur tikið 20 spælarar út til venjingarkappingina í Litava, og KÍ og HB eru best umboðaðu feløgini í hópinum við ávikavist sjey og fimm spælarum. NSÍ og Víkingur eiga tríggjar spælarar í part. 

Fótbóltskvinnurnar fingu góð úrslit í Nations League fyrr í ár, har tað eydnaðist at fáa 10 stig í bólki saman við Slovakia, Moldova og Gibraltar, og landsliðsvenjarin leggur eina við, at tað hevur stóran týdning at fáa nógv burtur úr teimum báðum landsliðssteðgunum, sum eftir eru í ár.

Í fyrra steðginum verður Baltic Cup, sum er frá 21. til 28. oktober, og í november hittist landsliðið aftur til felagsvenjing.

Føroyski landsliðshópurin:

Málverjar
Óluva Allansdóttir Joensen, KÍ
Gunnvá Lützen, HB

Verjuspælarar
Sunniva Willemoes, HB
Teresa Jacobsen, HB
Tórunn Højgaard Joensen, KÍ
Birita Ryan, KÍ
Durita Hummeland, KÍ
Jonnhild á Sondum, NSÍ

Miðvallarar
Fridrikka Maria Klementsen, HB
Rúna Jacobsen, HB
Eyðvør Klakstein, KÍ
Sanna Svarvadal, KÍ
Sara Samson Lamhauge, NSÍ
Mona Rasmusdóttir, Víkingur
Jensa Kannuberg Tórolvsdóttir, Víkingur
Rakul Sørensen, Víkingur
Ásla Johannesen, Piteå (SVØ)

Framherjar
Tóra Mohr, KÍ 
Heidi Sevdal, NSÍ
Anna Brændstrup, Gil Vicente (POR)