Franskar ungdómsstjørnur í Klaksvík

Føroyska U21-landsliðið skal fríggjadagin spæla móti Fraklandi. Føroyar hava vunnið tríggjar teir fyrstu dystirnar í EM-undankappingini. 2-1 móti Estlandi og Íslandi, umframt ein 1-0 sigur á Luksemborg. 

Nú komu tungu dreingirnir í bólkinum á vitjan. Fyrst Frakland og síðani Sveis. Serliga franska U21-landsliðið telur stór nøvn. Teirra millum er Warren Zaïre-Emery, sum var partur liðnum hjá Paris Saint-Germain, ið vann Champions League í summar.

Aðrir eru verjuspælarin Leny Yoro, sum Manchester United keypti fyri næstan 500 milliónir krónur, áleyparin Mathys Tel úr Tottenham Hotspur og Lesley Ugochukwu úr Burnley FC, sum skoraði í Premier League so seint í farnu viku.

Føroysku spælararnir umboða ikki eins stór feløg, men tað gjørdu teir heldur ikki í 2021, tá Frakland somuleiðis kom við stórum U21-landsliðsstjørnum. Tá endaði tað 1-1 á Ovara vølli í Gundadali. Føroyska málið skoraði Steffan A. Løkin.

Føroyar spæla móti Fraklandi fríggjadagin 10. oktobur í Klaksvík, og móti Sveis á Tórsvølli týsdagin 14. oktobur. Føroyar eru á odda í bólkinum við 9 stigum. Frakland hevur ikki spælt enn.

Hetta er hópurin hjá franska U21-landsliðnum:

Málverjar

Ewen Jaouen, Stade de Reims

Guillaume Restes, Toulouse FC

Robin Risser, RC Lens

Verjuspælarar

Jaydee Canvot, Crystal Palace

Jérémy Jacquet, Stade Rennais FC

Thérence Koudou, KV Malines

Saël Kumbedi, VfL Wolfsburg

Dayann Methalie, Toulouse FC

Leny Yoro, Manchester United

Miðvallarar

Valentin Atangana, Al, Ahli FC

Ayyoub Bouaddi, LOSC Lille

Djaoui Cissé, Stade Rennais FC

Kevin Danois, AJ Auxerre

Louis Leroux, FC Nantes

Lesley Ugochukwu, Burnley FC

Warren Zaïre, Emery, Paris SG

Framherjar

Jean Mattéo Bahoya, Eintracht Frankfurt

Noah Edjouma, Toulouse FC

Eli Junior Kroupi, AFC Bournemouth

Senny Mayulu, Paris SG

Mohamed Kader Meite, Stade Rennais FC

Wilson Odobert, Tottenham Hotspur

Mathys Tel, Tottenham Hotspur