Tjóðbankin um kreppustøðu: Reiður peningur og fleiri gjaldskort

- Vit skulu vera betur fyrireikað til kreppustøðu, enn vit eru í dag, sigur danski Tjóðbankin, sum í dag kunnger trý tilmæli aftrat.

- Reiður peningur skal aftur í pungin, og vit skulu hava meira enn eitt gjaldskort, um kreppan rakar, sigur Tjóðbankin í kunngerðini til borgarar og handlar.

Kreppustøða kann koma eftir álop á týðandi undirstøðukervi, ella sum avleiðing av stórum breki.

- Soleiðis var støðan í summar, tá ið skipanir hjá gjaldsskipanini Nets var í ólagi, og legði alt kongsríkið lamið í tríggjar tímar, sigur Tjóðbankin. 

Gjaldskort, Visa/Dankort, Betri banki

Mælt verður til at hava meira enn eitt gjaldskort. (Savnsmynd)

Reiður peningur og fleiri gjaldskort

Danski tjóðbankin mælir nú øllum húsarhaldum til:

* at hava fleiri møguleikar at gjalda, t.e. gjaldskort, reiðan pening og MobilePay á telefonini. MobilePay virkar ikki í Føroyum.

* at hvørt húsarhald hevur í minsta lagi tvey gjaldskort av ymiskum slag. 

* at hava reiðan pening liggjandi.

Tjóðbankin nevnir 250 kr. fyri hvønn í húskinum, men fólk skulu sjálv meta, um neyðugt er við størri upphædd. Fyrimunur er at hava reiða pening í seðlum og myntum, so lættari verður hjá handlum at geva aftur, skrivar danski Tjóðbankin.