Eykavinningurin í Gekkinum: Vinnaraseðilin funnin

Í gekkasendingini fríggjakvøldið tann 7. novembur 2025 var drigið um eykavinningin, eina hondbóltsferð fyri tvey við kvinnulandsliðnum til Trier. Íroknað er: 

• Dystaratgongd
• Ferðing
• Gistingarhús við morgunmati
• 10.000 kr í lummapeningi

Vinnarin gjørdist gekkaseðil nummar 124732. Seðilin er seldur í Bónus við Norðskála 10. oktobur. Nummarið sæst á fremstu síðu á Gekkinum, ovast til vinstru. 

Allir seðlar seldir frá 1. oktobur (viku 40) til 31. oktobur (viku 44) vóru við í dráttinum um eykavinningin. 

Vinnarin verður biðin um at seta seg í samband við Kringvarpið sum skjótast. 

Aftur ein eykavinningur í novembur

Í gekkasendingini í kvøld var eisini ein nýggjur eykavinningur kunngjørdur. 

Allir seðlar, sum spæla við í novembur, eru við í dráttinum um eina hondbóltsferð fyri tvey við manslandsliðnum til Oslo í januar 2026, við 10.000 kr. í lummapeningi. Minst tí til at goyma seðlarnar.

Drigið verður 5. desembur.